مسكين يا وطنى وسط السباع
وشوش ولابسة مليون قناع
فيهم حرامى وعامل محامى
وكروش كبيرة من الخميرة
وكله شغال فيك بالدراع
وفى النهاية احنا الرعاع
**************
مسكين يا وطنى يا ابو شعب ضاع
من يوم ما هما باعو القطاع
لا لاقى لقمة ولا ليك متاع
ولا ليك مكان وسط الحيتان
ولو عارضنا لينا اللومان
فاحسن تملى خليك مخلى
بالك فى حالك طيب وانت مالك
تغرق سفينة تولع مدينة
تحصل سريقة وتقوم حريقة
تنهد حتى مليون دويقة
اوعاك تجادل ولا تناقش
ولا تصدق انك شجاع
**************
لو مرة سمعت ودنك كلام
عن الحكومة خليك همام
كدبها لحسن تطير اورام
وساعتها يمكن تروح فطيس
من غير محاكمة عند البوليس
والبحث يبقى بالمغناطيس
عن اى تهمة ليك والسلام
ملكش دعوة بمين الى خان
مين الى ولع فى البرلمان
ولا مين بيسرق ولا مين بيجامل
من خير بلاده نهب وباع
***************
او شفت مرة حبة شباب
عاملين مظاهرة او انقلاب
تبقى المصيبة لتكون معدي
بالصدفة تيجى صورتك مهدي
ويقولوا عنك كلام عجاب
ساعتها تصبح سنتك هباب
فى السجن تدخل تاخد الطريحة
امك وزوجتك تعمل فضيحة
اما حماتك تدبح دبيحة
وابوك لا حول الى حيلته باع
وتبقى ده بداية الضايع
**************
وان روحت مرة تقف طابور
ان كان فى مخبز ولا مرور
او فى استباليا علشان دكتور
اقف بادبك او يلا غور
لو خدمة غليت متقولش ليه
لو رفضو طلبك قول اوك
وازعل شوية وده فيها ايه
واضحك وزغرط لو مستطاع
وارضي بنصيبك عن اقناع
****************
جرب تعيش تحت البيوت
اقلم حياتك على السكوت
اخرص لسانك غمض عنيك
سد الودان لحسن تموت
لو شفت مسكين دوس عليه
وان شوفت مطرب لو حتى لاعب
حاول تقرب وتبوس ايديه
وان شوفت نفسك جوا المرايا
ماتخفش دانتا من غير عباية
لو شفت مرة ولادك جياع
يا اما تشحت يا اما تسرق
او حتى بيع زى الى باع
وتقوم ساعتها ثورة جياع
وشوش ولابسة مليون قناع
فيهم حرامى وعامل محامى
وكروش كبيرة من الخميرة
وكله شغال فيك بالدراع
وفى النهاية احنا الرعاع
**************
مسكين يا وطنى يا ابو شعب ضاع
من يوم ما هما باعو القطاع
لا لاقى لقمة ولا ليك متاع
ولا ليك مكان وسط الحيتان
ولو عارضنا لينا اللومان
فاحسن تملى خليك مخلى
بالك فى حالك طيب وانت مالك
تغرق سفينة تولع مدينة
تحصل سريقة وتقوم حريقة
تنهد حتى مليون دويقة
اوعاك تجادل ولا تناقش
ولا تصدق انك شجاع
**************
لو مرة سمعت ودنك كلام
عن الحكومة خليك همام
كدبها لحسن تطير اورام
وساعتها يمكن تروح فطيس
من غير محاكمة عند البوليس
والبحث يبقى بالمغناطيس
عن اى تهمة ليك والسلام
ملكش دعوة بمين الى خان
مين الى ولع فى البرلمان
ولا مين بيسرق ولا مين بيجامل
من خير بلاده نهب وباع
***************
او شفت مرة حبة شباب
عاملين مظاهرة او انقلاب
تبقى المصيبة لتكون معدي
بالصدفة تيجى صورتك مهدي
ويقولوا عنك كلام عجاب
ساعتها تصبح سنتك هباب
فى السجن تدخل تاخد الطريحة
امك وزوجتك تعمل فضيحة
اما حماتك تدبح دبيحة
وابوك لا حول الى حيلته باع
وتبقى ده بداية الضايع
**************
وان روحت مرة تقف طابور
ان كان فى مخبز ولا مرور
او فى استباليا علشان دكتور
اقف بادبك او يلا غور
لو خدمة غليت متقولش ليه
لو رفضو طلبك قول اوك
وازعل شوية وده فيها ايه
واضحك وزغرط لو مستطاع
وارضي بنصيبك عن اقناع
****************
جرب تعيش تحت البيوت
اقلم حياتك على السكوت
اخرص لسانك غمض عنيك
سد الودان لحسن تموت
لو شفت مسكين دوس عليه
وان شوفت مطرب لو حتى لاعب
حاول تقرب وتبوس ايديه
وان شوفت نفسك جوا المرايا
ماتخفش دانتا من غير عباية
لو شفت مرة ولادك جياع
يا اما تشحت يا اما تسرق
او حتى بيع زى الى باع
وتقوم ساعتها ثورة جياع