اهلا بكم في الحلقة الثانيه لمسابقة
المفتش كرومبو
كرومبو ....
كرومبو ....
مـــــــــــــع المفتش
كرومبو ....
النهاردة حصلت حاجه غـريـبـة خالص
امبارح ست الكل ( ام هنا )
عملت تورتة وجابتها معاها حفلة عيد الميلاد
اللى عملاها
لصاحبنا (ahmed )
وعزمت في الحفله بعض الشخصيات المهمه وكمان اعضاء المنتدي
المهم ابتدت الحفله وكل واحد جاب هديه الا انا علشان مكنتش موجود
الست ( ام هنا ) طلبت من اخينا ( احمد الغرباوي ) انه يطفي النور علشان
نطفي الشمع وفجاة وقت ما النور رجع تاني حصلت حاجة غريبه جدا
تورتة عيد الميلاد اتشالت من علي ترابيزة السفره
وكمان ( احمد الغرباوي ) اللي شعره شاط من الماس الكهربائي اللي حصل وقت ما كان بيولع النور
حرم يلعب في الكهرباء تاني هههههههههههه
وفي نفس الوقت كان موجود 3 من اعضاء المنتدي لحظة ما النور قطع
كان موجود ( mado , جولييت , fantastica )
ولحظة ما ( احمد الغرباوي ) نور النور تاني اكتشفوا انهم مش موجودين
اتصلت بيا ( ام هنا ) بسرعه وحكتلي علي اللي حصل بالتفصيل
ولما رحت وسالت الاعضاء قالوا
الاول وكان ( mado ) ولما سالته عن التورته قال :
تورتة ايه ياعم كرومبو اللي انت بتقول عليها انا فعلا كنت موجود في حفلة عيد الميلاد بس مشيت وقت ما النور اتطفي
علشان ( admin ) اتصل عليا وكان عاوزني في موضوع مهم علي المنتدي وخصم مني 3 نجمات وقالي انه هيعين واحد مكاني
لو ما انتبهتش لشغلي وانا خلاص حرمت معنتش رايح حفلات تاني دي حتي كلفتني هديه ب 9.99 قرش ودلوقتي مش لاقي اتعشا
ما تجيش تعشيني وتكسب فيا ثواب ياعم كرومبو
والتانيه كانت ( جولييت ) ولما سالتها قالت :
بصراحه يا كرومبو انت بقيت بتهرج الايام دي تورتة ايه بس اللي هسرقها واكلها ده انا حتي عاملة دايت علشان مسابقة ( باليه بحيرة البجع )
اللي انا مشتركه فيها للوزن فوق ( 150 كيلو ) ادعيلي يا كرومبو يارب افوز ما الاقيش معاك منديل بقي
كرومبو ( لا والله لسه العلبه خلصانه دلوقتي اصلي عندي برد من ابارح اتشيييييييي )
التالته وكانت ( fantastica ) ولما سالتها قالت :
لا والله ياعم كرومبو انت عارف اني انا علي طول في المطبخ انت عارف كمان اني مشرفة قسم المطبخ في منتدي ( م الاخر جدعان )
وكان بنزل المقادير بتاعت الاكله الجديده ( الاردحل بالصلصه ) وااااااااااااااااووووووووو ده يجنن بجد يا كرومبو جربته قبل كده
كرومبو ( لا والله لسه مجربتوش وكمان لو اسمه زي ما بتقولي عليه كده مينفعش اجربه انا عندي حساسيه من الصلصه بس انا لسه معرفتش
ايه هو بقي الاردحل ده وان شاء الله ابقي اعرفه في مرة تانيه )
طبعا الست ( ام هنا ) معرفتش مين اللي سرق التورته
بس انا عرفت لو انت كمان عرفت قول لنا مين؟
اتصل علي 06666666 من أي خط أرضي
او اتصل من أي موبايل علي
6666
أو ابعت sms علي 6666
زي ماانتو شايفين الارقام كلها ستات
تكسب 1000 دولار كورومبي
لو عرفت الحل قم بارساله بـ رسالة خاصة
و ابقوا قابلوني لو كسبتوا حاجة
مـــــع تحيــات
المــفــتــش كــرومــبـــــو
الى اللقاء فى الحلقة الثالثه