ازيكم يا احلى اعضاء
النهاردة فكرت ومخمخت فى توبيك جنان
متجدد باستمرار وغنى عن التعريف هجبلكم حلقات نصفها من تاليفى ونصها من حلقات التلفزيون
بتاعت المفتش كرومبو
ياله نبدا ونقول كرومبو كرومبو كرومبو مع المفتش
كرومبو
اسمحولي كمان اني استعين ببعض الشخصيات اللي موجوده في المنتدي واختيار عشوائي
الحلقة الاولى
اهلا بيكم
النهاردة حصلت حاجه كوميدى خالص
نونو الشقيه وطبعا غنية عن التعريف إشترت 2 كيلو برتقال أبو صرة علشان عندها شوية برد
ولما وصلت بيهم لباب العمارة إفتكرت إنها نسيت تشترى نص كيلو موز علشان
تعمل الكوكتيل اللي بتحبه
وكان واقف قدا م باب العمارة على الرصيف التاني 3 من اعضاء المنتدى
الأول :(admin ) اللى كان واقف بيسمع فى الام بى سري اغنية ريمكس لعبد الحليم حافظ
الثانيه : ( خوخه البنوته ) اللى كانت واقفه بتتكلم في الموبيل بقالها ساعه
والثالث : وهو(احمد الغرباوي) واللى كان بيشرب عصير قصب فى المحل اللى قدام العمارة
فسابت ( نونو الشقيه) كيس البرتقال جمب باب العمارة ورجعت علشان تشترىالموز
ولما إشترت الموز ورجعت ملقتش كيس البرتقال
وطبعا اتصلت بيا (نونو الشقيه ) وقالت ( الحقني يا كغومبو انا اتسغقت ) وده طبعا بما انها في قسم فرنساوي )
وطبعا لاني مقدرش اتاخر عن حد ركبت البسكلته بتاعتي وجيت علي طول وعرفت منها ايه الحكايه بالظبط ولما سالتها مين اللي كان موجود وقت ما سابت كيس البرتقال قدام العمارة قالتلي كان موجود ( admin وده طبعا مدير المنتدي وكلنا عارفينه ) وكمان ( خوخه البنوته ) وكمان ( احمد الغرباوي )
وطبعا رحت علشان اسال التلاته واشوف مين اللي سرق البرتقال
ولما سألت التلاته إذا كان حد فيهم شاف كيس البرتقال بتاعها قالوا ..
الاول/(admin) قال: أف ..بجد حاجه موش ممكن كيس برتقال ايه وبتاع ايه ..يعنى ينفع كده تخرجني من المود بتاع الاغنية ..بجد حاجه لا تطاق ..ال برتقال ال .
ياراميني بسحر عنيك الاتنين انا الهوا هوايا واتاريني ماسك الكاكا في ايديه وميل وحدف منديله
الثانية/(خوخه البنوته )
قالت: هاهاهاهاهاها. برتقال ايه اللى انت جاى تقول عليه وواجع دماغنا علشان شوية 2 كيلو برتقال أبو صرة .. لو لاقيته هاتلي واحده .. وكمان انا مبحبش
البرتقال ابو صره لو في سكري ماشي
الثالث/(احمد الغرباوي):قال لا انا مشفتش اى أكياس برتقال خالص انا واقف بشرب العصير حتى لسه مخلصتهوش ..ماتيجي اجيبلك كباية تمر هندي
كرومبو ( والله عندك حق ده انا حتي ريقي ناشف اوف ايه الحر ده ياراجل لو سمحت واحد نمر هندي مايكنش هندي ومن غير شاليموه علشان انا لسه متغدتش )
طبعا (نونو الشقيه) معرفتش مين اللي سرق البرتقال لكن انا عرفت
لو انت كمان عرفت اتصل بيا علي رقم فودافون لان موبينيل مش شغال علشان لسه مدفعتش الفاتورة
يالا انا مستني اشوف الردود الجامده بتاعتكم ويارب الحلقه دي تعجبكم علشان اقدر اكمل باقي الحلقات
ومستني الحلول بتاعتكم
مع تحيااااااااااااااااااااااات المفتش كرومبو
والسلاااااااااااااااااااااااااااام ختااااااااااااااااااااااااااااااااام