mla5er gid3an


نحن سعداء بزيارتك لنا
ويشرفنا تسجيلك معنا
فأضغط علي زر التسجيل ولا تتردد
لتكون واحد من أسرة المنتدي
مع تحيات إدارة م الآخر جدعان
المنتدي دا منتداك

اليكم يوميات شاب عاطل متجدد باستمرار 33311


انضم إلى المنتدى ، فالأمر سريع وسهل

mla5er gid3an


نحن سعداء بزيارتك لنا
ويشرفنا تسجيلك معنا
فأضغط علي زر التسجيل ولا تتردد
لتكون واحد من أسرة المنتدي
مع تحيات إدارة م الآخر جدعان
المنتدي دا منتداك

اليكم يوميات شاب عاطل متجدد باستمرار 33311

mla5er gid3an

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
mla5er gid3an

منتدي شامل ومن الآخر







4 مشترك

    اليكم يوميات شاب عاطل متجدد باستمرار

    torogan
    torogan
    عضو م الآخر
    عضو م الآخر


    عدد المساهمات : 98
    تاريخ التسجيل : 06/06/2009

    اليكم يوميات شاب عاطل متجدد باستمرار Empty اليكم يوميات شاب عاطل متجدد باستمرار

    مُساهمة من طرف torogan الأربعاء يونيو 10, 2009 7:33 pm

    اول يوووووووووووووووووم


    النهاردة هبدأ بسلسلة حلقات بعنوان يوميات شاب عاطل أتمني أنها تعجبكم والنهاردة الحلقة الأولي وهبقي أكمل باقي الحلقات أذا لاقت الحلقة الأولي أعجابكم

    بداية الحلقة
    الساعة دلوقتي الساعة 3 العصر وصاحبنا لسة بيفرك عينيه ولسة قايم من النوم أصله كان ياعيني طول الليل سهران في الكافيه الفلاني اللي في المهندسين
    المهم صاحبنا ده بما أنه من مواليد عصر التكنولوجيا الحديثة فلازم يبقي إبن العصر ده ويستعمل الموبايل والاب توب وصاحبنا ده قبل ما يقوم من سريره ويغسل وشه او حتي يمسح العماصة من عينيه قعد يدور علي الموبايل ولما مسك الموبايل وبص فيه ظهر الذهول علي وشه وقال " لااااااااااا مش معقول مفيش ولا رنة ولا حتي رسالة من ساعة مانمت لحد دلوقتي "
    ( أصل يعني الدنيا هتقف لو هو نام .... ما علينا)
    فقام صاحبنا ده رمي الموبايل بعصبية وقام فاتح الاب توب علشان يشوف مين من أصحابه عالنت فلقي الناس كلها أوف لاين فقفل الاب توب وقام رايح للتليفون علشان يكلم أي حد من أصحابه علشان يخرجوا ويتفسحوا فراح قعد شوية جنب التليفون وقعد يفكر ويقول لنفسه أكلم مين أكلم مين ......

    خلاص أكلم أحمد

    أتصل بأحمد موبايله مقفول فقال خلاص أكلمه في البيت أتصل في البيت وجري الحوار التالي
    ( علي فكرة نسيت أقول لكم أن صاحبنا العاطل ده أسمه تامر )

    التليفون رن ثم ردت مامة أحمد فقال لها تامر

    تامر: مساء الخير..أزيك يا طنط
    طنط: أيه ده تامر فينك بقالك فترة مبتكلمش أحمد
    تامر : معلش يا طنط الدنيا تلاهي
    تامر: هو أحمد فين يا طنط بتصل بيه علي الموبايل موبايله مقفول
    طنط : ده أحمد لسة مرجعش
    تامر : مرجعش منين ( الندل راح يتفسح من غيري ..."ده تامر بيكلم نفسه")
    طنط : ده أحمد لسة مرجعش من الشغل
    تامر(بإستغراب) : وهو أحمد بيشتغل
    طنط : ايوة ده بقاله كذا شهر
    تامر : طيب كويس
    تامر : طيب سلام دلوقتي ياطنط ولما أحمد يوصل البيت قولي له أني أتصلت بيه
    طنط : حاضر يا تامر
    تامر : سلام
    طنط : سلام

    قعد يفكر تامر ويقول لنفسه كده الخروجة باظت طيب هخرج مع مين وقعد يفكر طيب خلاص اخرج مع محمد وأتصل بمحمد وحصل نفس السيناريو وأتصل بفريد ووليد ومدحت وسامي نفس القصة

    تامر أتعصب قوي وقال خلاص يغور كل العيال دي أنا هكلم أي واحدة من البنات وهي هتنزل معايا علي طول

    وفعلا قعد تامر يدور في الموبايل بتاعه علي نمر البنات طلع له أول أسم أميرة فقال لا البت دي خنيقة دور شوية تاني طلعت له بسمة فقال لا دي عايشة فيها دور الأميرة ديانة فقال طيب أجرب أجرب أكلم نهي وحصل الحوار الأتي

    تامر : هاي نهي عاملة أيه
    نهي : تاااااااااااااامر فينك ياعم
    تامر : مشغول يا بنتي علي طول
    نهي : ماشي ياعم المشغول
    تامر: المهم كنت عايزك في موضوع مهم
    نهي : خير يا تري
    تامر : كنا عايزين نخرج خروجة جامدة
    نهي : أسفة يا تامر مشغولة والله جدا
    تامر : يعني هيكون وراكي أيه
    نهي : ورايا شغل كتير جدا اصل أنا بشتغل مع بابي في الشركة
    تامر : طيب خلاص هكلمك في وقت تاني ... سلام

    وقام قافل تامر التليفون وهو مخنوق قوي وقعد يفكر وقال لنفسه الظاهر ان الموضة اليومين دول الشغل وأنا من بكرة هروح أشتغل بس هشتغل ايه....
    مش مهم هشتغل أيه المهم أبقي ماشي مع الموضة وأهم حاجة أني أصحي بكرة بدري علشان أروح الشغل

    وهكذا أنتهت الحلقة الأولي وأستنوا الحلقة التانية وأزاي تامر هيصحي من النوم بدري

    أتمني أن يقول الجميع ملاحظاته علي ما كتبت
    fantastica
    fantastica
    عضو م الآخر
    عضو م الآخر


    انثى عدد المساهمات : 1130
    تاريخ التسجيل : 06/06/2009
    الموقع : الكمبيوتر بتاعى

    اليكم يوميات شاب عاطل متجدد باستمرار Empty رد: اليكم يوميات شاب عاطل متجدد باستمرار

    مُساهمة من طرف fantastica الخميس يونيو 18, 2009 5:19 am

    حلوه بجد تسلم ايدك
    ومنتظرين العدد الجاى ;)
    أسير الرومانسية
    أسير الرومانسية
    مشرف منتدي الصور
    مشرف منتدي الصور


    ذكر عدد المساهمات : 1161
    تاريخ التسجيل : 22/08/2009
    العمر : 35
    الموقع : جمب محطة البنزين

    اليكم يوميات شاب عاطل متجدد باستمرار Empty رد: اليكم يوميات شاب عاطل متجدد باستمرار

    مُساهمة من طرف أسير الرومانسية السبت نوفمبر 28, 2009 1:48 am

    تسلم يا جميل
    ام هنا
    ام هنا
    مشرفة منتدي المشغولات اليدوية
    مشرفة منتدي المشغولات اليدوية


    انثى عدد المساهمات : 289
    تاريخ التسجيل : 09/09/2009

    اليكم يوميات شاب عاطل متجدد باستمرار Empty رد: اليكم يوميات شاب عاطل متجدد باستمرار

    مُساهمة من طرف ام هنا الجمعة يناير 08, 2010 12:39 am

    اليكم يوميات شاب عاطل متجدد باستمرار 217912 اليكم يوميات شاب عاطل متجدد باستمرار 271139

      الوقت/التاريخ الآن هو الثلاثاء مارس 19, 2024 5:15 pm