mla5er gid3an


نحن سعداء بزيارتك لنا
ويشرفنا تسجيلك معنا
فأضغط علي زر التسجيل ولا تتردد
لتكون واحد من أسرة المنتدي
مع تحيات إدارة م الآخر جدعان
المنتدي دا منتداك

mla5er gid3an

منتدي شامل ومن الآخر







    اليكم يوميات شاب عاطل الحلقه الثالثة

    شاطر
    avatar
    torogan
    عضو م الآخر
    عضو م الآخر

    عدد المساهمات : 98
    تاريخ التسجيل : 06/06/2009

    default اليكم يوميات شاب عاطل الحلقه الثالثة

    مُساهمة من طرف torogan في الإثنين يونيو 22, 2009 9:50 pm

    خلصت الحلقة اللي فاتت علي أن خلاص الساعة جت 7 ونص وحصلت مفاجأة لم يتوقعهاتامر وهي أنه راحت عليه نومة من كتر التعب والسهر وعدت ساعات كتير وتامر باشا نايم لحد ما صحي علي صوت ندي وهي بتصحيه عالساعة 3 ونص وحصل بينهم الحوار الأتي
    ندي : تامر تامر تامر تامر
    ندي : تاااااااااااااااااااااااااااااااامر
    ندي : أصحي يا تااااااااااااااااااااااامر
    تامر : أيه ده فيه أيه
    تامر : أيه الدوشة اللي أنت عاملاها دي
    ندي : أنت ياعم مش كنت ناوي تروح الشغل النهاردة
    ندي: ههههههههههههههههههههههههههههههههههههههه
    تامر : هي الساعة كام دلوقتي ؟
    ندي : الساعة 3 ونص يا جميل
    تامر : حرام عليكي ليه سبتيني نايم لحد دلوقتي
    ندي : سبتك أيه
    ندي : هو أنا أتفقت معاك أني أصحيك أنت مش كنت هتسهر لحد الصبح وتروح الشغل من غير نوم
    تامر : بس أنت السبب أن تروح عليه نومة
    ندي : أزاي يعني ياعم
    تامر : أنت اللي أخذتيني معاكي في مشاوير وتعبتيني وخلتيني هلكان
    ندي : بص ياعم طقم الشماعات اللي أنت جايبه جديد ده أركنه علي جنب
    تامر : شماعات أيه مش فاهم
    ندي : يعني أنت بتدور علي أي شماعة تعلق عليها أخطائك
    تامر : بصي بقي أنت مينفعش أي حوار معاكي أنا هسيبك وادخل أقعد مع نفسي في أوضتي ومش عايز أشوف وشك ولا أسمع صوتك

    وفعلا تامر ساب ندي ودخل أوضته ونام علي السرير وقعد يفكر وندي سابته شوية وبعدين راحت له الأوضة خبطت علي الباب ولم يرد قامت فاتحة الباب وداخلة بدون أذن ولما تامر شافها داخلة عمل كأنه مش شايفها
    (( قال أيه زعلان ))
    المهم جري الحوار الأتي بينهم
    تامر : مالك ياعم ضارب سقف
    (( ضارب سقف يعني الواحد من دول تلاقيه لما يكون مكتئب أو محبط يدخل أوضته وينام علي سريره ويفضل متنح للسقف))
    تامر : ( تامر عامل نفسه مش سامع )
    ندي : رد ياض بدل ما أوريك شغلك
    ندي : هديك علقة تحلف بيها طول عمرك
    تامر ( بيتكلم بغضب وعصبية) : أطلعي برة بدل ما أوريكي شغلك أنت نسيتي أن أنا كنت بلعب <أيكيدو> يعني لو أنت قعدتي تدربي الكاراتيه بتاعك ده طول عمرك مش هتعرفي تعملي معايا حاجة ولا أنت ولا حتي المدرب بتاعك
    ندي : خلاص ياعم هدي نفسك
    ندي : أنت متضايق ليه
    ندي: أوعي تكون متضايق علشان حوار أنك مقدرتش تصحي بدري وتروح الشغل
    تامر : وليه ما أتضايقش
    ندي : علشان لوكنت فضلت صاحي مكنتش حتي هتقدر تروح أي شغل
    تامر : ليه يعني
    ندي : أنا مش كنت قلت لك أمبارح أن النهاردة عندي أجازة من الكلية
    تامر : ايوة ... وأيه المشكلة لما يكون النهاردة أجازة
    ندي : أنت متعرفش ليه النهاردة أجازة
    تامر : هي الأجازة لازم يكون ليها سبب
    ندي ( بتكلم نفسها) : الواد تامر ده باين عليه غبي أوي
    ندي : طيب شكل كده دماغك في الباي باي أنا هقول لك واحدة واحدة يمكن تحصل المعجزة وتفهم
    تامر : بطلي قلة أدب وكلميني بأحترام شوية
    ندي : طيب أنا هسألك كام سؤال ومنهم هتعرف ليه النهاردة أجازة ؟
    تامر : قولي .... مع أني مش حمل فوازيرك
    ندي : السؤال الأول ....... بابا وماما فين ؟
    تامر : مسافرين
    تامر : وده أيه علاقته بالأجازة
    ندي : بطل دوشة خليك معايا للأخر
    ندي : السؤال الثاني ...... مسافرين فين وبيعملوا أيه ؟
    تامر : مسافرين السعودية .......... راحوا يحجوا
    ندي : الحمد لله وصلنا طيب النهاردة أجازة بقي علشان النهاردة الوقفة ( وقفة عرفات )
    ندي : يعني النهاردة أجازة رسمية يعني كل المصالح الحكومية والخاصة أجازة
    تامر : ههههههههههههههههههههههههههههههههههههه
    تامر : طيب مقلتيش ليه كده من بدري
    ندي : رخاااااااااااامة
    ندي : ههههههههههههههههههههههههههههههه
    ندي : روق بقي علشان نتفرج سوا علي الماتش الساعة 8
    تامر : ماتش أيه؟
    ندي : ماتش الزمالك والأهلي
    تامر : هو الماتش النهاردة ؟
    ندي : أيوة

    (( خلوا بالكم تامر أهلاوي وندي زملكاوية ))

    تامر : طبعا أحنا اللي هنكسب كالعادة
    ندي : أنت بتحلم ده فريقكم ده فريق العواجيز
    تامر: هههههههههههههههه ..... عواجيز طيب أصل ذاكرتي ضعيفة شوية ممكن تقوليلي مين ياتري الفريق اللي أخد 6 رايح وخد 4 جاي
    ندي : ده كان زمان
    ندي : بص بقي ولو هنتكلم في الملفات القديمة الزمالك غلب الأهلي في الستينات 6 - صفر
    تامر : هههههههههههههههههههههههههه
    تامر : كل دي أشاعات يعني سيادتك كنتي شفتي الماتش بتاع الستينات علشان تتكلمي
    تامر : بالمناسبة مدحت شلبي هيعلق علي الماتش علي قناة أيه أصل أنا بحب تعليقه من ساعة بيبو وبشير بيبو والجون
    تامر : ههههههههههههههههههههههههههه
    ندي : ماشي ياعم
    ندي : مدحت شلبي هيعلق علي الماتش في قناة مودرن سبورت
    تامر : المهم عايزن نأكل أي حاجة قبل الماتش ما يبدأ
    ندي : أوك
    ندي : عندك التليفون أطلب اللي أنت عايزه
    تامر : ماشي
    وفعلا تامر طلب الأكل دليفري وقعد يأكل هو وندي
    وهما قاعدين يأكلوا جري الحوار الأتي
    ندي : علي فكرة يا تامر ليلي أتصلت وبتسلم عليك وبتقول أنها جاية بكرة هي وجوزها و أبنها

    (( ليلي دي أخت تامر وندي وهي أكبر من ندي ولكن أصغر من تامر وزوجها رجل أعمال شاب وعندهم ولدأسمه عمر عنده 3 سنين بس زي العسل ))

    تامر : طيب كويس علشان هي وحشاني قوي
    ندي : يلا ياعم خلص أكل بسرعة علشان فاضل أقل من نص ساعة علي الماتش
    تامر : اوك

    وفعلا خلصوا أكل وقعدوا قدام التلفزيون في أنتظار الماتش والساعة دلوقتي بقيت الساعة 8 والماتش هيبدأ...........

    \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\

    وبكده أنتهت الحلقة الثالثة وأستنوا الحلقة الرابعة قريبا وهتشوفوا أيه اللي هيحصل في ماتش الأهلي والزمالك وخصوصا لما يكون أهلاوي وزملكاوية قاعدين بتفرجوا مع بعض وأتمني أن الحلقة الثالثة تكون عجبتكم وأتمني أن كل اللي يقرأ الحلقة يترك رد ويقول فيه أيه عيوب ومميزات هذه الحلقة

    ------------------
    avatar
    fantastica
    عضو م الآخر
    عضو م الآخر

    انثى عدد المساهمات : 1130
    تاريخ التسجيل : 06/06/2009
    الموقع : الكمبيوتر بتاعى

    default رد: اليكم يوميات شاب عاطل الحلقه الثالثة

    مُساهمة من طرف fantastica في الإثنين يونيو 22, 2009 11:20 pm

    لا بصراحه ندى ديه بيئه بيئه يعنى انا مشفتش كده
    بس تمام يلا بقى مستنين الباقى
    avatar
    مسيو حماده
    مشرف منتدي هواة تربية الحيوانات الأليفة الطيور
    مشرف منتدي هواة تربية الحيوانات الأليفة الطيور

    ذكر عدد المساهمات : 219
    تاريخ التسجيل : 16/06/2009
    العمر : 28

    default رد: اليكم يوميات شاب عاطل الحلقه الثالثة

    مُساهمة من طرف مسيو حماده في الأحد يوليو 05, 2009 2:53 am

    قصه جميله وتنفع سيناريو وتتعمل حلقات فالسيد كوم انا بشجعك فالاستمرار الي الامام انطلق

    m sh
    مشرف منتدي فرفشة الشباب
    مشرف منتدي فرفشة الشباب

    ذكر عدد المساهمات : 84
    تاريخ التسجيل : 06/08/2009
    العمر : 30

    default رد: اليكم يوميات شاب عاطل الحلقه الثالثة

    مُساهمة من طرف m sh في السبت أغسطس 08, 2009 9:09 am

    ايه الحلاوة دى بس يا ريت الحلقات الجاية تكبر حجم الخط شوية

      الوقت/التاريخ الآن هو الأحد سبتمبر 24, 2017 6:31 pm