mla5er gid3an


نحن سعداء بزيارتك لنا
ويشرفنا تسجيلك معنا
فأضغط علي زر التسجيل ولا تتردد
لتكون واحد من أسرة المنتدي
مع تحيات إدارة م الآخر جدعان
المنتدي دا منتداك

mla5er gid3an

منتدي شامل ومن الآخر







    هو العيب فى مين ياترى ؟؟؟

    شاطر
    avatar
    non_hits
    نائب المدير
    نائب المدير

    ذكر عدد المساهمات : 203
    تاريخ التسجيل : 06/06/2009

    default هو العيب فى مين ياترى ؟؟؟

    مُساهمة من طرف non_hits في الثلاثاء يونيو 09, 2009 2:09 pm

    فية "مقولة" دايما بنكررها وهيا فعلا صح وموجودة فى مجتمعنا لحد الآن بس يمكن احنا مش واخدين بالنا منها

    (نعيب زماننا والعــيب فينا ومالزماننا عيب سوانا )

    ومعاة طبعا السؤال المعتاد : هل الحكومة لوحدها هيا السبب فى اللى بيحصل ؟؟
    الاجابة لا وهتشوف ازاى ؟

    ** تعالى ناخدها واحدة واحدة **

    الاول : لية فية دول كتير قوى شعوبها احسن مننا رغم انها اقل مننا كموارد وكعقول واقل مننا فى حاجات كتير
    الثانى : لية الحكومة بقت مش بتحط اعتبار للشعب ولية بتفقد الثقة فينا ؟وفية فجوة بين الشعب والحكومة

    (( اسمع بقى هتسمع أحلى كلام ))

    اتعمل كباين اتصالات فى الشارع اية اللى بيحصل؟
    تعدى تلاقى الكابينة متخربشة وواحد كاتب عليها I love u وعبدة البرنس وعبد العاطى ومش عارف اية والسماعة مرمية ومحشور فيها نص كارت ميناتل

    إتوفر الدقيق للمخابز بيحصل اية ؟
    بيقوم صاحب الفرن واخد كميات اكبر من اللى بياخدها وبيخرن الباقى وبيبع شوال الدقيق بسعر ازيد من العادى

    انخفاض سعر طن الحــديد حصل اية ؟
    التجار اشترت كميات وخزنت وزودت سعر الطن والحــديد كان ب6300 تروح تشترية من التاجر ب 4000 (وتمضى على وصل) انك اشتريتة ب 6300 علشان لو حد جالة واقسم بالله الكلام دة حقيقى

    انخفاض سعر الادوية حصل اية ؟؟
    بتوع الصيدليات عملوا مخازن ملحقة بالصيدليات وحطوا فيها الادوية اللى مش بتنزل بكميات كبيرة وعمل سمعة للصيدلية من خلال السوق السودا دون حط اعتبار لاخلاق المهنة

    اتعمل مترو الانفاق بسعر قليل حصل اية ؟
    تلاقى سعر التذكرة لايتعدى الجنية وتلاقي الناس تنط من فوق المكن بتاع التذاكر وفاكرينها حداقة

    اتحطت قوانين لسواقين المكروباص العربية لا تتعدى ال 14 راكب اية اللى حصل؟
    بقوا بيحملوها اربعات ولو عرفوا يبقى خمسات وبيقولك يابية الكارتة عليا عالية وعلشان نخف الزحمة وكلة كوم وحكاية سيدات بس دى كوم تانى ...وتلاقى حوادث نتيجة للحمولة الزايدة على الطريق ويقولك الحكومة هيا السبب

    اتعمل صناديق زبالة اية اللى حصل ؟؟
    بيبقى انت بتشرب بيبسى والزبالة جمبك وترميها جمبها مع ان مافيش بينها وبينك 5 سم

    بالنسبة للجامعات اتحط حرس للجامعة علشان النظام حصل اية؟؟
    تلاقى الحرس ومش كلهم طبعا يسيب البشر كلها تعدى وييجى على واحدة شايفها حلوة ويقولها كارنيهك يقعد يحكى حبة وهاتى بطاقتك حبة ويعمل شويتين


    فوانيس العربيات اللى اضائتها عالية اللى اتعملت علشان تنور فى الضباب والشبورة اللى اسمها ال Xenon بنستخدمها ازاى؟
    بيقوم عم الكوتوفوتو اللى سايق العربية بتاعة دادى يقوم جاى قدام سواق غلبان ولا سواق تاكسى ويقوم قايدة ويعمى الراجل ..مش بيحصل؟؟

    فية قانون اتعمل فى فترة بينص على انك لو فتحت مشروع جديد ليك حوالى 3 سنوات ماتدفعش فيهم ضرايب وبعدين بعدهم تبدا تدفع بشكل منتظم لتشجيع الصناعات حصل اية ؟؟
    تلاقى صاحب المحل تلاقيهم عمل اسم المحل مثلا عبدالله فبيقعد 3 سنين مايدفعش وقبل مايخصلوا يعمل اسم المحل فرجللة واهو مشروع جديد اهو ياحكومة ونفس النظام على كدة

    الموبايلات اللى بتنزل عليها عرض علشان تسويق المنتج مع انها نازلة ببلاش للتاجر بيحصل فيها اية؟؟
    بيتشال منها العروض والهدايا ويبعلك الموبايل بسعر اغلى من العادى ويقولم مغلف الموبايل تانى تغليفة ماتخرش المية تحس ان الموبايل جاى من التوكيل عليك..دة غير بقى اللعب فى حوار المسامير بالمفك المغناطيش علشان مايبانش انة مفتوح وخلافة

    وغير الغش فى اللبن والبضاعة والموبيليا وغيرة وغيرة

    فكل الحاجات دى خليتنا بصراحة شعب مش محترم مع نفسنا قبل مانبقى محترمين مع غيرنا

    وتقولى السبب من الحكومة لوحدها وهيا لية فاكرانا حيوانات ومش بتعبرنا ؟؟
    الحكومة السبب فى حاجات كتير بس بناء على تصرفاتنا احنا اللى خلينا نفسنا كدة بنفسنا

    " إبدا بنفسك اولا يتغير العالم من حولك ..حاول تغيير نفسك فلن تستطيع أن تغير العالم "

    مستنى رأيكوا ياجماعة
    avatar
    كرومبو
    عضو م الآخر
    عضو م الآخر

    ذكر عدد المساهمات : 168
    تاريخ التسجيل : 10/06/2009
    العمر : 28
    الموقع : mla5er.gid3an.com

    default رد: هو العيب فى مين ياترى ؟؟؟

    مُساهمة من طرف كرومبو في الأربعاء يونيو 10, 2009 8:21 am

    العيب في مين يازمن ولا الغلط في مين
    في ناس بتدفع تمن ذنب ناس تانيين

    فعلا لازم علشان الناس تحترمك تكون انت محترم في الاول وبكده هتجبرهم علي انهم يحترموك ويقدروك
    وبالتالي لو كلنا اتعاملنا باحترام مع بعضنا اكيد مش هيبقي في مجال للظلم او للاهانة من اي حد

    الي الامام والسلام ختام
    avatar
    Admin
    Admin
    Admin

    ذكر عدد المساهمات : 611
    تاريخ التسجيل : 04/06/2009
    العمر : 30
    الموقع : www.beshirradio.page.tl

    default شكرا ع الموضوع

    مُساهمة من طرف Admin في الأربعاء يونيو 10, 2009 6:10 pm

    انا اعتقد ان لو كل انسان بدا بنفسه اكيد هيبقي في تغيير للاحسن
    avatar
    القط الشقى
    مشرف منتدي كلام ف الحب
    مشرف منتدي كلام ف الحب

    انثى عدد المساهمات : 465
    تاريخ التسجيل : 12/06/2009
    العمر : 28
    الموقع : نونو الشقية

    default رد: هو العيب فى مين ياترى ؟؟؟

    مُساهمة من طرف القط الشقى في الأحد يونيو 14, 2009 11:34 pm

    اعتقد ان كل واحد فينا لو اتصالح مع نفسه اولا ومع الاخرين ثانيا هيلاقى الحياه ابسط مما احنا شايفين
    avatar
    MaDo
    Admin
    Admin

    ذكر عدد المساهمات : 412
    تاريخ التسجيل : 14/06/2009
    العمر : 29

    default رد: هو العيب فى مين ياترى ؟؟؟

    مُساهمة من طرف MaDo في الإثنين يونيو 15, 2009 4:46 am

    أنا شايف إننا لو أتمسكنا بدينا هنكون إن شاء الله احسن

    avatar
    fantastica
    عضو م الآخر
    عضو م الآخر

    انثى عدد المساهمات : 1130
    تاريخ التسجيل : 06/06/2009
    الموقع : الكمبيوتر بتاعى

    default رد: هو العيب فى مين ياترى ؟؟؟

    مُساهمة من طرف fantastica في الإثنين يونيو 15, 2009 6:00 am

    انت فعلا عندك حق اكيد العيب مش على الحكومه بس العيب علينا قبل اى حد وبلاش نعلق غلطاتنا على حد غيرنا بقى
    احنا مفيش حاجه الحكومه تعملهلنا الا لازم نخربها وندمرها وكأننا حسين اننا منستهلهاش
    يايرت نصلح نفسنا الاول ونصلح تفكيرنا وكل حاجه حاولينا هتتصلح
    ولو كل واحد قال انا هبدأ كل حاجه هتيقى تمام.

    tonton
    عضو م الآخر
    عضو م الآخر

    انثى عدد المساهمات : 230
    تاريخ التسجيل : 09/06/2009
    العمر : 26

    default رد: هو العيب فى مين ياترى ؟؟؟

    مُساهمة من طرف tonton في السبت سبتمبر 26, 2009 12:45 am

    اللى انا قراتة دة تعليقة الةحيد ان كلة بيسرق كلة وان حميها حرميها

      الوقت/التاريخ الآن هو السبت أكتوبر 21, 2017 5:29 am