mla5er gid3an


نحن سعداء بزيارتك لنا
ويشرفنا تسجيلك معنا
فأضغط علي زر التسجيل ولا تتردد
لتكون واحد من أسرة المنتدي
مع تحيات إدارة م الآخر جدعان
المنتدي دا منتداك

mla5er gid3an

منتدي شامل ومن الآخر







    يوميات صعيدي بيحب بنات استيل أوي في الجامعة الحلقة الثانية

    شاطر
    avatar
    MaDo
    Admin
    Admin

    ذكر عدد المساهمات : 412
    تاريخ التسجيل : 14/06/2009
    العمر : 29

    اضحك يوميات صعيدي بيحب بنات استيل أوي في الجامعة الحلقة الثانية

    مُساهمة من طرف MaDo في السبت أغسطس 15, 2009 3:29 am


    الحلقة التانية


    وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها
    وتعالوا نشوف الايام والحياة الجامعية هتعمل ايه في احمد وهيتعامل معاها ازاي
    كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين


    احمد: ديب ديب ديب انتوا يا ناس يللي هنا...افتحوا الباب
    الساعي : يا فتاح يا عليم يا رزاق يا كريم
    احمد: ماترش ميا يا راجل قصاد المدرج عشان تستفتح
    الساعي:يا كابتن المحاضرة لسة الساعة 8 مفيش دخول دلوقت
    احمد:هدخل يعني هدخل..عليا النعمة هدخل هاااا
    الساعي: قفل الباب في وشه ودخل جوا
    احمد : يا ابن الدزمة انت هتضيع عليا المحاضرة شكلك
    احمد: اما اروح اجيب كوباية شاي سخن مولع
    الراجل: تؤمر بأيه يا فندم
    احمد : شاي خمسينة بنعناع
    الراجل: ايه ايه...مفيش نعناع
    احمد: ومفيش نعناع ليه
    الراجل : هو كده مفيش نعناع على الشاي ..النعناع لوحده
    احمد :طيب هات نص كوباية شاي ونص كوباية نعناع
    الراجل: خد فلوسك اهي
    احمد:طب والشاي ابو نعناع فين
    الراجل:اوووف
    احمد:اوووف على دماغك...ابن دزمة صحيح


    كان فات حوالي ساعة ونص وهو واقف في الكافتيريا عشان يشرب شاي
    قرر انه يرجع للمدرج عشان يلحق مكان وبالفعل حجز مكان وخرج تاني عشان
    يجيب شاي من كافتيريا تانية...ونجح انه يجيب المرة دي ..دخل المدرج وفجأة
    لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

    احمد : بصوت لا يطاق....ايييييييييه ده يا هانم...هي وكالة من غير بواب
    نور :وطي صوتك من فضلك انا بتكلم بهدوء وبأدب
    احمد:هي دي طريجتي..عاجبك ولا مش عاجبك
    نور:طيب انا مش هقوم
    احمد: هروح للعميد يجي يقومك
    نور:ههههههههههههههههههه
    احمد:بتضحكي على ايه يا باردة
    نور: لم نفسك
    احمد: شايفاني مبعتر في الارض ولا اييييييييه
    نور: مش هتحضر...هههههههههههههه
    احمد :عليا الطلاج لأحضر غصب عنك وعن عين والدك....


    وفجأة سمع صوت الدكتور بيناديله ......

    الدكتور:مالك يابني مكشر من اول السنة ليه كده
    احمد :لو سمحت معاك نمرة ماحمول العميد
    الدكتور : ههههههههههه ايوة ليه
    احمد : عاوز اقدم شكوى في البت دي
    نور :متقولش بت
    احمد :هجول بت وستين بت كمان قومي يلا
    الدكتور : بس بقى اخرس شوية يا اما هطردك
    احمد : انا ...تطردني ليييييييه هاتلي مكان سعادتك
    الدكتور : تعالى اعد جنبي هنا على الكرسي ده
    احمد : وااه...اجعد جنبك مرة واحدة يا داكتووور
    الدكتور :ايوة تعالى

    وهو نازل راح وقع الكتاب بتاع نور ورمى اقلامها
    راحت نور ضربته على ضهره..قال ااااااااااااه
    وصوته سمع المدرج كله والكل فضل يضحك عليه


    الدكتور : اطلع برا يلا...مش هتحضر المحاضرة
    احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
    وهو خارج رمى عينه على نور ولمح فيها نظرة عطف جميلة

    بعد ما المحاضرة انتهت...نور خرجت لأ حمد

    نور :بجد انا اسفة اوووي
    احمد : على ايه بقى ما المحاضرة خلاص
    نور : خد المحاضرة بتاعتي انقلها وانا هستناك
    احمد : بجد بتتكلمي بجد
    نور : ايوة مع انهم اكتر من عشر صفحات بس هستناك
    احمد : متشكر يا مازمازيل نورة
    نور : لأ قول نور بس احنا اصدقاء وابتسمت ومشيت

    احمد عمال ينقل وعمال يقول في سره...خطها زي الزفت
    بس شكلها طيبة جوي....الخط مش كل حاجة في الانسان يعني
    احمد لمح نور وهي جاية وبتبتسم بخجل

    وللمتابعة
    انتظر ردودكم


    _________________

    *
    *

    *
    *
    ومما زادني شرفاً وتيهـــــــا ... وكدت بأخمصي أطأ الثريا
    دخولي تحت قولك يا عبادي ... وأن صيرت أحمد لي نبيـا

    kreza
    عضو نشيط
    عضو نشيط

    عدد المساهمات : 10
    تاريخ التسجيل : 12/06/2009

    اضحك رد: يوميات صعيدي بيحب بنات استيل أوي في الجامعة الحلقة الثانية

    مُساهمة من طرف kreza في الجمعة أغسطس 21, 2009 5:43 am

    حلوه جدا بجد تسلم ايدك

    m sh
    مشرف منتدي فرفشة الشباب
    مشرف منتدي فرفشة الشباب

    ذكر عدد المساهمات : 84
    تاريخ التسجيل : 06/08/2009
    العمر : 30

    اضحك رد: يوميات صعيدي بيحب بنات استيل أوي في الجامعة الحلقة الثانية

    مُساهمة من طرف m sh في الجمعة أغسطس 21, 2009 6:06 am

    المنافسة تشتعل


    ننتظر الحلقة الثالثة

    m sh
    مشرف منتدي فرفشة الشباب
    مشرف منتدي فرفشة الشباب

    ذكر عدد المساهمات : 84
    تاريخ التسجيل : 06/08/2009
    العمر : 30

    اضحك رد: يوميات صعيدي بيحب بنات استيل أوي في الجامعة الحلقة الثانية

    مُساهمة من طرف m sh في الجمعة أغسطس 21, 2009 6:08 am

    avatar
    أسير الرومانسية
    مشرف منتدي الصور
    مشرف منتدي الصور

    ذكر عدد المساهمات : 1161
    تاريخ التسجيل : 22/08/2009
    العمر : 28
    الموقع : جمب محطة البنزين

    اضحك رد: يوميات صعيدي بيحب بنات استيل أوي في الجامعة الحلقة الثانية

    مُساهمة من طرف أسير الرومانسية في الخميس ديسمبر 03, 2009 7:38 am

    حلو اوووووووووووووى
    avatar
    ريهام عبد القادر
    مشرفة منتدي المشغولات اليدوية
    مشرفة منتدي المشغولات اليدوية

    انثى عدد المساهمات : 337
    تاريخ التسجيل : 04/09/2009

    اضحك رد: يوميات صعيدي بيحب بنات استيل أوي في الجامعة الحلقة الثانية

    مُساهمة من طرف ريهام عبد القادر في الجمعة ديسمبر 04, 2009 9:21 am

    avatar
    ام هنا
    مشرفة منتدي المشغولات اليدوية
    مشرفة منتدي المشغولات اليدوية

    انثى عدد المساهمات : 289
    تاريخ التسجيل : 09/09/2009

    اضحك رد: يوميات صعيدي بيحب بنات استيل أوي في الجامعة الحلقة الثانية

    مُساهمة من طرف ام هنا في الجمعة يناير 08, 2010 12:26 am




      الوقت/التاريخ الآن هو الأحد سبتمبر 24, 2017 6:30 pm